الحوار الصادم ده دار النهاردة في المترو:
آنسة محترمة: سمعتي عن العيال البلطجية اللي طلعوا على أتوبيس مدرسة في الزمالك؟
المدام المحترمة: وفي الجيزة وفي كل حتة ياختي... مش هما بتوع التحرير عاوزين البلد تخرب؟؟ ياللا أهم خربوها عشان يستريحوا
آنسة محترمة تانية قابتها أول إمبارح كانت بتقول: العيال دول مندسين واجندات وأنا بنفسي رحت الميدان ولقيت واحدة من المتظاهرين شعرها طويل وكيرلي
يا نهار إسود!!!دليلها الوحيد إنهم مندسين إن شعرها طويل وكيرلي؟؟ يا لهوي؟؟ طويل وكيرلي؟؟ أه والنعمة طويل وكيرلي
أنا حلفت بقالي كام يوم انني مش هادخل في أي مناقشات في الموضوع ده لأنني تقريبا بقيت معروفة على مستوى مترو الأنفاق كله وخايفة الأخت بتاعة الطويل والكيرلي تشد طرحتي وتلاقي شعري طويل وكيرلي تقوم قيلة عليا أجندة وأروح أنا في الباي باي
بس الجملة اللي جاية هي اللي خلتني انهارت
الآنسة المحترمة: هما لسه في التحرير.. الله يحرقهم.. الله يحرقهم بجد
الله يحرقهم؟؟ الله يحرقهم يا مفترية؟؟ بتدعي على ولاد بلدك بالحرق؟؟ يا نهار اسود!!! يا نهار اسود
طب ما هما فعلا اتحرقوا بالمولوتوف... طب ما هما فعلا اتعوروا وخسروا عينيهم.. طب ما هما فعلا اتطعت رجليهم.. طب ما هما فعلا استشهدوا.. طب ما هما فعلا اتسحلوا من الجيش في نصاص الليالي والجيش طلع قال عليهم بلطجية
ما فاضلش غير إن ربنا يبعت عليهم قنبلة من السما عشان الناس تستريح
لما أخو صاحبتي عربيته تتسرق والحرامية يطلبو منه فدية 25 ألف جنيه ويروح القسم البيه اللي هناك يقول معندناش أوامر بالشغل... يبقى منين المسئول؟؟ المحروقين بتوع التحرير برضه؟ حسبي الله ونعم الوكيل
لما واحده قريبة صاحبتي اتسرقت عربيتها في حدائق الاهرام قالولها روحي اعملي محضر عالفيسبوك
يبقى منين المسئول؟؟ المحروقين بتوع التحرير برضه؟ حسبي الله ونعم الوكيل
لما أنا شخصيا أشوف إشارة المرور تضرب تقلب والناس بتتخانق وضابط المرور واقف يبص على الناس وبيضحك
يبقى منين المسئول؟؟ المحروقين بتوع التحرير برضه؟ حسبي الله ونعم الوكيل
بجد أنا قلبي اتوجع... قلبي اتوجع على الناس اللي مش مقدرة اللي بيعملوه المحروقين دول
امتى هنفهم إن الناس دي بتحاول تعمل اللي عليها ولو فيه حد مختلف معاهم يقدر يبني بطريقته في حتة تانية؟
إمتى هنفهم إن الناس دي عملت كل ده مش عاوزين غير إنهم يخلوا البلد دي أحسن أو يقابلوا وجه رب كريم بنفوس راضية؟
أمتى هنفهم إن الناس دي مش عاوزة فلوس ولا مال ولا جاه ولا سلطان؟
امتى حنفهم إن كل واحد في البلد دي سواء مختلف أو متفق معاهم ممكن يبني البلد دي من موقعه؟
مش موافق عاللي بيحصل في التحرير.. شوف انت حاجة تانية ننمي بيها البلد واشتغل عليها بدل ما ندعي عليهم بالحرق.. على الأقل هما بيحاولوا يعملوا حاجة
بجد حسبي الله وعم الوكيل في كل حد ظلم الناس دي أو خونهم
حسبي الله ونعم الوكيل
عليه العوض ومنع العوض فيكي يا مصر
عليه العوض ومنه العوض
آنسة محترمة: سمعتي عن العيال البلطجية اللي طلعوا على أتوبيس مدرسة في الزمالك؟
المدام المحترمة: وفي الجيزة وفي كل حتة ياختي... مش هما بتوع التحرير عاوزين البلد تخرب؟؟ ياللا أهم خربوها عشان يستريحوا
آنسة محترمة تانية قابتها أول إمبارح كانت بتقول: العيال دول مندسين واجندات وأنا بنفسي رحت الميدان ولقيت واحدة من المتظاهرين شعرها طويل وكيرلي
يا نهار إسود!!!دليلها الوحيد إنهم مندسين إن شعرها طويل وكيرلي؟؟ يا لهوي؟؟ طويل وكيرلي؟؟ أه والنعمة طويل وكيرلي
أنا حلفت بقالي كام يوم انني مش هادخل في أي مناقشات في الموضوع ده لأنني تقريبا بقيت معروفة على مستوى مترو الأنفاق كله وخايفة الأخت بتاعة الطويل والكيرلي تشد طرحتي وتلاقي شعري طويل وكيرلي تقوم قيلة عليا أجندة وأروح أنا في الباي باي
بس الجملة اللي جاية هي اللي خلتني انهارت
الآنسة المحترمة: هما لسه في التحرير.. الله يحرقهم.. الله يحرقهم بجد
الله يحرقهم؟؟ الله يحرقهم يا مفترية؟؟ بتدعي على ولاد بلدك بالحرق؟؟ يا نهار اسود!!! يا نهار اسود
طب ما هما فعلا اتحرقوا بالمولوتوف... طب ما هما فعلا اتعوروا وخسروا عينيهم.. طب ما هما فعلا اتطعت رجليهم.. طب ما هما فعلا استشهدوا.. طب ما هما فعلا اتسحلوا من الجيش في نصاص الليالي والجيش طلع قال عليهم بلطجية
ما فاضلش غير إن ربنا يبعت عليهم قنبلة من السما عشان الناس تستريح
لما أخو صاحبتي عربيته تتسرق والحرامية يطلبو منه فدية 25 ألف جنيه ويروح القسم البيه اللي هناك يقول معندناش أوامر بالشغل... يبقى منين المسئول؟؟ المحروقين بتوع التحرير برضه؟ حسبي الله ونعم الوكيل
لما واحده قريبة صاحبتي اتسرقت عربيتها في حدائق الاهرام قالولها روحي اعملي محضر عالفيسبوك
يبقى منين المسئول؟؟ المحروقين بتوع التحرير برضه؟ حسبي الله ونعم الوكيل
لما أنا شخصيا أشوف إشارة المرور تضرب تقلب والناس بتتخانق وضابط المرور واقف يبص على الناس وبيضحك
يبقى منين المسئول؟؟ المحروقين بتوع التحرير برضه؟ حسبي الله ونعم الوكيل
بجد أنا قلبي اتوجع... قلبي اتوجع على الناس اللي مش مقدرة اللي بيعملوه المحروقين دول
امتى هنفهم إن الناس دي بتحاول تعمل اللي عليها ولو فيه حد مختلف معاهم يقدر يبني بطريقته في حتة تانية؟
إمتى هنفهم إن الناس دي عملت كل ده مش عاوزين غير إنهم يخلوا البلد دي أحسن أو يقابلوا وجه رب كريم بنفوس راضية؟
أمتى هنفهم إن الناس دي مش عاوزة فلوس ولا مال ولا جاه ولا سلطان؟
امتى حنفهم إن كل واحد في البلد دي سواء مختلف أو متفق معاهم ممكن يبني البلد دي من موقعه؟
مش موافق عاللي بيحصل في التحرير.. شوف انت حاجة تانية ننمي بيها البلد واشتغل عليها بدل ما ندعي عليهم بالحرق.. على الأقل هما بيحاولوا يعملوا حاجة
بجد حسبي الله وعم الوكيل في كل حد ظلم الناس دي أو خونهم
حسبي الله ونعم الوكيل
عليه العوض ومنع العوض فيكي يا مصر
عليه العوض ومنه العوض
ليست هناك تعليقات:
إرسال تعليق